"Илим айлыгы - 2025"

2025-04-02 02:37:25 0

1-апрель, 2025-жыл. "Илим айлыгы - 2025" Чыгыш таануу институтунда "Илим айлыгы" башталды. Чыгыш таануу институтунун "Чыгыш таануу" кафедрасы салтка айланган "Илим айлыгын" баштады. "Илим айлыгынын" ачылышына ОшМУнун илимий иштер жана инновациялар боюнча проректору, доцент Э.А. Эшаров, ОшМУнун илим жана инновация бөлүмүнүн жетекчиси, доцент Н.Н.Курбанбаева жана институттун профессордук-окутуучулук курамы, студенттер, магистранттар катышышты. "Илим айлыгын" Чыгыш таануу институтунун директору, доцент Жолдошбек Бөтөнөев ачып, иш-чаранын катышуучуларын куттуктады. Чыгыш таануу кафедрасынын башчысы, доцент Элес Эркебаев "Илим айлыгынын" бир айлык иш-планы менен тааныштырып, иш-чарага активдүү катышууга чакырды. Директордун окуу жана илимий иштер боюнча орун басары, окутуучу Ч. Бердибек уулу институтта жасалып жаткан илимий-изилдөөлөр боюнча маалымат берди. ОшМУнун илимий иштер жана инновациялар боюнча проректору, доцент Э.А. Эшаров жана ОшМУнун илим жана инновациялар бөлүмүнүн жетекчиси, доцент Н.Н. Курбанбаева Ош мамлекеттик университетинин жана өзгөчө Чыгыш таануу институтунун илимий жетишкендиктерине токтолушуп, институттун жалпы жамаатына ийгиликтерди каалашты.