Украинадагы Кыргызстандын элчиси ОшМУда лекция окуду.

2024-12-06 02:56:45 9

Украинадагы Кыргызстандын элчиси ОшМУда лекция окуду. Чыгыш таануу институтунун демилгеси жана уюштуруусу менен 2024-жылдын 4-декабрь күнү Кыргызстан убактысы боюнча саат 13:00дө Кыргыз Республикасынын Украинадагы, Молдовадагы, Румыниядагы жана Болгариядагы атайын жана ыйгарым укуктуу элчиси Кадыркулов Идрис Анарбекович Ош мамлекеттик университетинин Чыгыш таануу институтунун студенттерине, магистранттарына жана чыгыш таануу кафедрасынын профессордук-окутуучулук курамына "Кыргызстан-Украина дипломатиялык байланыштары: тарыхы, учурдагы абалы жана келечеги" - деген темада ZOOM платформасы менен онлайн форматында "конок лекция" өттү. Конок лекцияга Ош мамлекеттик университетинин, ОшТУнун, Кыргызстан Эл аралык университетинин окутуучулары дагы онлайн форматында катышышты. Лекция абдан кызыктуу болуп, бүгүнкү күндөгү Кыргызстан менен Украинанын, Молдованын, Румыниянын, Болгариянын ортосундагы дипломатиялык байланыштардын абалы, келечеги жана орус-украин конфликтери тууралуу суроо-жооптор болду. Мындан сырткары, элчи мырза студенттер келечекте дипломат болуш үчүн кандай билимдерге, кандай сапаттарга жана жөндөмдөргө ээ болуулары керек экендиктери тууралуу кеп-кеңештерин берип, студенттерге, магистранттарга жана Чыгыш таануу институтунун профессордук-окутуучулук курамына ийгиликтерди каалады. Элчи Идрис Кадыркулов - элчи катары, дипломат катары алгачкы жолу Ош мамлекеттик университетинде лекция өткөнүн, лекция өтүү үчүн мүмкүнчүлүк түзүп берген Ош мамлекеттик университетинин ректору, профессор К.Г. Кожобековго жана Чыгыш таануу институтунун директору, доцент Ж.С. Бөтөнөевге ыраазычылык билдирди. Чыгыш таануу институтунун директору, доцент Жолдошбек Бөтөнөев элчи мырзага ыраазычылык билдирип, иштерине ийгиликтерди каалады.