Чыгыш таануу институтунун чыгыш таануу кафедрасы билим берүү стандарттарын түзүү боюнча жумушчу топтун кезектеги отурумун өткөрдү.

2024-12-03 02:48:33 11

23-ноябрь, 2024-жыл. Чыгыш таануу институтунун чыгыш таануу кафедрасы билим берүү стандарттарын түзүү боюнча жумушчу топтун кезектеги отурумун өткөрдү. Чыгыш таануу кафедрасында даярдалып жаткан 531100 "Лингвистика". Профиль - "Котормо жана котормо таануу: чыгыш тилдери (араб, түрк, фарси, кытай, корей, япон тилдери)" жана 533000 "Филология". Профиль - "Чыгыш тилдерин окутуунун усулдары (араб, түрк, фарси, кытай, корей, япон тилдери)" багыттарынын билим берүү стандарттарын иштеп чыгуу боюнча чыгыш таануу кафедрасынын окутуучуларынын, Ата Мекендик жана чет өлкөлүк жогорку окуу жайларынын атайын адистеринин, жумуш берүүчүлөрдүн ж.б. эксперттердин катышуусунда төгөрөк стол өтүп, жаңы билим берүү стандарттарын түзүү тууралуу сунуш-пикирлер айтылып, токтом кабыл алынды. Төгөрөк столго кошуна Өзбекстан Республикасынын Андижан шаарындагы З.М.Бабур атындагы Андижан мамлекеттик университетинен, Ош шаарынын мэриясынан, Ош шаарындагы окуу жана котормо борборлорунан, Жалал-Абад мамлекеттик университетинен онлайн жана офлайн форматында атайын адистер катышышты. Чыгыш таануу кафедрасында учурда төмөнкү багыттар боюнча адистер даярдалат: 1. "Чыгыш таануу, африка таануу" (Профиль - "Чыгыш өлкөлөрүнүн тилдери жана дипломатиясы"); (Профиль - "Чыгыштын тарыхы - чыгыш тилдерин окутуу менен"); 2. "Конфликтология" (Профиль - "Жалпы конфликтология"); 3. "Лингвистика" (Профиль - "Котормо жана котормо таануу: чыгыш тилдери"); 4. "Филология" (Профиль - "Чыгыш тилдерин окутуунун усулдары"). Эскертүү! Жогорудагы багыттардын баарында (Конфликтология багытын кошпогондо) негизги тил катары чыгыш (араб, түрк, фарси, кытай, корей, япон) тилдери, ал эми экинчи тил катары англис тили 4 жыл тереңдетилип окутулат.